今日既重頭戲就係去文華東方酒店 Lord Jim's 食個自助午餐, 佢地既 Sunday Brunch 好受歡迎, 但我地就唔到星期日去, 但原來平日都有自助午餐, 最大分別係平日無生蠔, 價錢就係 Bht 1,220 ++ , 加埋一同稅後, 差不多 HKD340一位, 平過星期日約 HKD90, 好彩出名既香煎鵝肝係平日都有供應, 決定揀佢前, 我地早幾天都有親身去四季酒店及Grand Hyatt 酒店睇過佢地既自助餐, 最後我地都做左個明智既選擇, 因為佢地既香煎鵝肝真係好得, 值 一百二十分呀!
去食Buffet 前, 我地係 Grande Centre Point 酒店游水同玩水先, 個泳池真係唔錯, 按摩池好夠力. 我地搭 BTS, 由 Ratchadamri 站到 Sapha Taksin 站, 再坐文華東方既船, 半個鐘左右, 非常方便.
餐廳既環境同景觀都唔錯, 只係檯同檯中間迫左d.
先食頭盤, 好多選擇, 刺身好新鮮.
主角出場喇, 香煎鵝肝, 大廚煎得真係好好, 外脆內軟, 味道好啱, 入口即溶.
呢度真係好大方, 鵝肝大大塊, 不停有供應, 不限quota任取, 爽．
鵝肝配燒牛肉, 兩樣都好正．
呢度烤肉既款式好多，有齊牛，豬，雞同鴨．
烤豬腿都好味喎, 唔鞋又唔硬.
熱盤都好豐富，不過好多都只係睇多過食，只係用眼去欣賞都好好．
蒸魚都好味.
甜品既陣容都係超強．
呢款咖啡朱古力蛋糕好好食, 好濃咖啡味同朱古力味．
真係好滿足，呢度既鵝肝真係超水準，係我食過做得最好既一間餐廳，我食左四大片，而家睇到相都好掛住佢，我下次去曼谷，一定會再返黎食佢．
食完，我地又搭番船仔走喇．
如果打算食呢間既自助餐, 最好都係預先訂位, 同埋要留意佢地有 Dress Code, 男士唔可以著短褲同背心, 所以最好去之前問清楚.
Lord Jim’s
Mandarin Oriental, Bangkok
48 Oriental Avenue, Bangkok 10500, Thailand
Tel : 66 (2) 659 9000 Ext. 7680-1
咁多正食物, 無可能全試吖, 個肚無咁大呢! 幾錢位呀?
ReplyDelete[版主回覆03/12/2010 18:43:00]差不多 HKD340一位, 其實都幾抵, 唔單止有味覺既滿足, 仲有視覺上享受.
望落好味過Suikuthai Hotel 個Buffe,下以去試下.
ReplyDelete[版主回覆03/12/2010 18:57:00]我無試過sukhothai , 有無相睇 ?
sorry...但係我有朋友話俾我知好多港人去呢度食buffe,有時好吵......
ReplyDelete[版主回覆03/12/2010 19:06:00]都會架, 個度坐既位置唔算好寬敞, 有d 迫, 係bangkok邊到會唔撞到香港人 ? 我地去個日係星期二, 都有好多著西裝既人同返工衫既人, 所以唔係好吵.
Very nice, how can make reservation, phone call or e-mail ?
ReplyDelete[版主回覆03/12/2010 19:08:00]the quality of the buffet is so good! i made reservation by email in HK and then follow-up by phone in bangkok.
哇哇哇 全部睇上去都好精緻，賣相一流好新鮮呀！雖然我吾食鵝肝，不過淨係其他野都食吾晒啦。HKD340 真抵！
ReplyDelete[版主回覆03/14/2010 14:41:00]呀, 你唔食鵝肝? 點解既 ? 真係好好味架喎 !
唔食鵝肝係因為我見過鵝肝的製造過程。。。太殘忍了。。。所以罷食
ReplyDelete[版主回覆03/16/2010 12:36:00]啊, 明白 ! 又真係好殘忍既 !
我13年也來這裡吃中餐，但價格已經漲到1590B/人囉～但我覺得蠻好吃的，尤其像我不愛吃甜食的人，真的覺得這裡的甜食很好吃～記得吃個芒果雪葩，waitress還幫我從冰箱拿冰鎮過的杯子，再將雪葩放入，就是這種小細節，讓我覺得來這裡是值得的。BY Vera
ReplyDelete我13年也來這裡吃中餐，但價格已經漲到1590B/人囉～但我覺得蠻好吃的，尤其像我不愛吃甜食的人，真的覺得這裡的甜食很好吃～記得吃個芒果雪葩，waitress還幫我從冰箱拿冰鎮過的杯子，再將雪葩放入，就是這種小細節，讓我覺得來這裡是值得的。BY Vera
ReplyDelete