祟文門菜市場 -> 天壇-> 七九八藝術區 -> 晚餐: 麻辣香鍋 -> 水立方 / 鳥巢夜景
坐落于北京北部朝陽區酒仙橋大山子的798藝術區, 前身是東德設計的軍工廠。上世紀90年代，這個工廠漸被遺棄, 但就開放給藝術家及和畫廊。十幾年前這些巨大的工業廠房已經被藝術家和畫廊佔據，逐漸著名既畫廊不斷增加, 不同形式既咖啡館, 小商店亦加入進駐, 同時亦吸引左唔少國際既目光, 最終成功由一個破舊既倉庫及工廠變成一個著名既藝術區, 好值得學習.
而家, 好多遊客都識得將 798 加入行程之一, 唔一定要對藝術有好深既認識.
我地由天壇搭地鐵到十號線既三元橋站轉的士到酒仙橋路, 司機唔係好知798藝術區, 兜左一輪, 又要打電話問行家, 吓, 798 好出名架喎, 咁都唔知.
黎到已經兩點幾, 好肚餓喇, 望下個地圖, 嘩, 分成A 至 E 五大區, 要睇哂, 兩日都唔夠.
我地行左 入D區, 見到呢間餐廳, 個樣唔錯, 就走左入去.
簡約潔白既佈置, 隱藏佻皮既個性.
裝修成一間舒適既咖啡室後仲保留著工廠既設備, 對自己原先既身份留一點紀念.
先黎個 illy咖啡暖一暖先.
我揀左韓式牛肉飯.
幾好, 味道適中, 除左牛肉, 仲有好多洋蔥同鮮冬菇, 最好既係好夠熱, 係咁凍既天氣下, 一啖熱飯對我黎講, 真係好緊要.
老公揀左韓式辛辣麵, 好啱呢個天氣食.
食完哂, 儲夠熱量後就急不及待出去逛, 好好彩, 係我地入既第一間小店 [創意空間] 就搵到我想買既野,
好多懷舊既玩具同日常用品.
哈哈, 竟然見到 ....
因為早前< 魔戒> 人氣影星奧蘭度布林亮相時, 著左飛躍鞋, 就令到中國草根球鞋飛躍歐洲變潮鞋, 身價暴升廿五倍, 賣成五十歐元!! 權威時尚雜誌《 Elle 》法國版亦為之傾倒, 欽點為潮人, 必備之物.
好型仔, 揀啱尺碼, 買!
呢度既室外, 真係超多大大件既藝術品.
呢棵紅榭好靚, 好突出, 原來係俾紅繩'翹住'.
大部份既展覽館係唔收錢既, 而且好多展館係容許俾人影相添, 好特別既做法, 有d 唔慣.
好鍾意呢幅畫.
室外仲有好多好精彩既塗鴉.
有好多咖啡室選擇, 有d 係畫廊加咖啡室, 有d 係賣傢俬兼營咖啡室等等.
係度行, 愈行愈唔知自己去左邊, 好似唔係中國咁, 以為自己飛左去歐洲, 有d 時候真係好似係英國.
雖然話係舊工廠, 但廠房既建築唔係工廠式倒模既出品, 可能因為係東德人設計既關係, 加上藝術家們既改造, 所以歐洲味真係好濃.
其實仲有好多展館想行, 但我又不敵嚴寒既厲害, 又要找地方避一避.
呢一避, 就唔覺唔覺去到五點幾, 天又黑, 店舖陸續關門休息, 我地都要撤退, 下次一定會再黎.
No comments:
Post a Comment