三文魚午餐 - 豐富 Omega-3 脂肪酸

一直都知道食三文魚對人好有益, 因為三文魚有豐富既Omega-3 (奧米加3) 不飽和脂肪酸, 唔單止可以令人聰明d, 智商高d, 可增加身體高密度膽固醇 (好膽固醇), 幫手減低壞膽固醇, 又可減低心臟病既機會, 總之好處就一大籮, 但再具體d 既好處, 都唔係好記得喇.
啱啱又見到有d 文章寫三文魚既好處, 真係一個好好既重溫:
- 降低血壓, 保護心臟、穩定血糖和情緒, 降低低密度膽固醇的含量, 減少冠狀動脈中血小板的形成, 降低心肌梗塞的發病幾率

- 增加智商, 幫助兒童成長發育
- Omega-3脂肪酸在滋潤肌膚、預防和去除皺紋中扮演著關鍵的角色, 補充Omega-3脂肪酸後可以幫助皮膚鎖住水分，達到滋潤保濕的功效, 它還有很強的抗氧化作用, 能有效防止皮膚衰老和產生皺紋
- 三文魚體內還有另外一種強效抗氧化成分: 蝦青素, 三文魚的橙紅色來源正是於此, 蝦青素的抗氧化能力是普通維他命E的550-1000倍, 能有效抗擊自由基, 延緩皮膚衰老, 同時還能夠保護皮膚免受紫外線的傷害
- 含有多種對人體有益的蛋白質、維他命及礦物質
既然人體是無法合成omega-3 脂肪酸的, 只能通過飲食攝取, 我急不及待即刻係冰箱攞d 三文魚皮出黎做個簡單又健康既午餐.

我唔係幾鍾意熟既三文魚扒, 怕肉質太鞋, 只鍾情三文魚皮.
因為三文魚皮脂肪充足, 我只係落左數滴橄欖油, 用洋蔥起鑊, 再落三文魚, 煎一陣, 當三文魚開始出油, 就可放鮮冬菇, 青椒, 黃椒係一邊炒, 魚, 菇同椒都只係加鹽同黑椒調味, 當魚熟左仲有足夠油份可以炒埋隻滑蛋, 加埋兩塊自製既多士, 健康又美味既午餐就攪掂.