祟文門菜市場 -> 天壇-> 七九八藝術區 -> 晚餐: 麻辣香鍋 -> 水立方 / 鳥巢夜景
離開祟文門菜市場, 再係地鐵五號線搭兩個站至天壇東門, 出左地鐵站轉右手邊行, 好快就會到天壇公園東門入口, 之前我地唔知, 向了左邊行, 蠢左啦, 行成二十分鐘至到北門入口, 十蚊一個人就可入天壇公園.
天壇公園好大, 有好多古榭.
雖然無陽光, 但有白雪襯托下, 都好靚.
天壇是明清兩代皇帝 '祭天' , '祈穀'既場所.
而家, 好多本地人入黎公園唱歌同跳舞, 我諗佢地可能可以買年票.
要睇到天壇最具代表性既建築物 - 祈年殿, 就要再俾多二十蚊一個人.
祈年殿是皇帝祈求五穀豐收的場所，`亦係整個天壇的中心建築。係一座三重檐的圓形大殿，藍色琉璃瓦頂，全磚木結構，無大樑長檁，全靠28根金絲楠木大柱和36根枋桷支撐。大殿中央4根「龍井柱」代表一年四季，中層12根柱子象徵12個月，外圈12根柱子象徵12個時辰，內外檐柱24根代表24個節氣, 實在不得不佩服當時負責設計既人, 實在太有智慧!
外貌真係好宏偉, 好靚仔, 只可惜又係唔俾入去裡面睇, 望下, 裡面又係好暗呀.
下面既相用左相機 Pro-low Light 既效果至影到咁清楚.
建築技巧實在太神乎奇技, 太高超!
有展覽館展示祭祀時用既工具, 流程同建築模型.
我地既飛係包括參觀回音壁同園丘, 不過呢度真係好大, 我地無行哂, 要去下一個景點啦.
No comments:
Post a Comment