牛車水川味菜館 @ 新加坡

麻辣癮又發作, 趁今日去開牛車水買野, 要去止下痕先.
之前未係好鍾意麻辣, 都無好留意牛車水其實有好多重慶麻辣火鍋呀, 四川菜館既食店, 今日好想食口水雞, 就即管試左呢間牛車水川味菜館.
叫左一個口水雞, 水煮魚, 小鍋米線, 炒豆苗, 白飯.
落單時, 我問亞姐, 可唔可以要雞脾, 佢竟然話唔得, 平時我食海南雞飯時, 都係要雞脾, 好少俾人拒絕, 不過國有國法, 每間公司都有自己規矩, 我忍你, 口水雞黎到, 個樣都幾得喎, 雖然大部份都係雞胸肉, 不過都好香.

只係味道方面, 唔夠麻, 唔夠辣, 好彩都好食, 如果有d 青瓜墊底會好d.
水煮魚好大份, 味道都幾好, 有辣味, 但唔夠麻, 花椒落得唔夠.

墊底係黃芽白同芽菜, 索左汁好好味.

小鍋米線, 都幾好味, 唔算辣.

豆苗好大碟, 多左d 油.

口味雖然唔係好正宗, 但要黎頂癮都ok既.