北京之旅 2009 [第五天]

北京之旅 2010 年 1 月 3 日
話咁快已經到左北京自由行既最後一日, 今日我地搭下午四點既飛機走, 仲有半日時間去行下, 不過我地想去既景點已經係頭四日去哂喇, 因為一直留意天氣預測, 知道今日會落雪, 所以唔敢預留行程今日去, 怕落雪會有影響, 所以盡量係之前四日辛苦d.
今日好嘆, 瞓到八點幾, 打算食完早餐, 就去金融區睇下外形前衛既中央電視大樓, 再行過d 去望下擁有全亞洲最大的LED電子屏幕既世貿天階, 之後就去海底撈食個火鍋至返酒店退房.
嘩, 好大雪呀, 即刻搵番張近窗邊既檯, 睇住落雪食早餐, 唔錯唔錯.

 
 

停車場既車都舖滿白雪, 落住雪, 步行係厚雪中, 好彩都唔難行.

出發到中央電視大樓, 地鐵職員教我地到十號線國貿站, 不過我地自己睇地圖, 就覺得係前一個站金台夕站會近d中央電視大樓同世貿天階, 所以我地去左金台夕站. 一出站就見到中央電視大樓, 外形好特別, 不過我就唔係覺得好靚喇, 如果係國貿站出, 就可能影到好d 角度.

遠d 個座係北配樓, 即是在09年元宵節大火中嚴重焚毀個座, 聽聞係09年10月開始進行復修工作.

愈行愈大雪, 地下既積雪已經好厚.

呢頭係金融區, 雖然星期日係會少人d, 但今日真係極少人, 沿途見唔多過十個人, 行到黎呢度, d雪又厚又白, 真係靚到暈, 忍唔住要坐係到影下相, 坐完起番身真係唔濕又唔污糟架.

有人仲要玩埋掟雪添.

終於行到黎世貿天階.

個天幕果然好大呀, 不過我唔記起, 要到夜晚個天幕先會著.

入商場打左個轉, 就上左部的士, 打算去食火鍋, 但原來係雪地上既車係唔可以行得快, 因為好難控制同危險, 由呢刻開始, 玩雪玩得好開心既我地, 終於都識擔心喇.  當部的士龜速咁行緊既時候, 我地開左個家庭會議, 決定
1. 唔去食火鍋,
2. 叫司機係最近既地鐵站放低我地
3. 搭地鐵返酒店上網查下班飛機有無延遲
4. 攞埋行李, 退房, 提早搭地鐵去機場.
之後既野, 係北京之旅 2009 - 後記 已經交待左大部份.
不過有樣好攪笑, 原來北京機鐵既車廂, 係會邊行邊入雪架, 一程車既時間, 車廂已經積左一堆雪喇, 下面張相係中途影既, 去到機場時有成呎咁高.

另外, 去機場既途中, 真係大雪左好多呢.

 

 
之後既野, 可睇番 北京之旅 2009 - 後記.